Nodar Məmmədov: Mən pulu yox, futbolu düşünürəm

“Rəvan”ın yeni transferi – Nodar Məmmədov keçidi ilə bağlı klubun rəsmi saytına danışıb. Azerisport.az xəbər verir ki, o, bunları dilə gətirib:

 

"Futbolçu karyeramda yeni səhifə açılır. Ümid edirəm ki, bu, həm mənim, həm də "Rəvan” üçün uğurlu olacaq.

 

Əməkdaşlığımızın məhsuldar alınacağına tam əminəm. Məncə, "Rəvan” heç də "Qəbələ”dən zəif deyil. Olsa-olsa, maddi baxımdan hardasa gerilik görmək olar. Ancaq mən pulu yox, futbolu düşünürəm. Baş məşqçi Ramil Əliyevin etimadını qazanmaq üçün məşqlərdə səylə çalışacam. Təxminən 1 aydan sonra, yəni çempionatda mübarizəyə yenidən start veriləndə əsas heyətin üzvü olacağıma inanıram”.