Bakıda rumıniyalı futbolçu

“Bakı” bu gün Antalyada məskunlaşdığı “Rixos Premium” otelinin meydanında məşqə çıxıb. Azerisport.az xəbər verir ki, əməliyyatdan sonra bərpa mərhələsi keçən kosta-rikalı hücumçu Uinston Parks xaricində bütün futbolçular məşqə qatılıblar.

 

Komandanın baş məşqçisi Bojidar Bandoviçin hazırlıq planına əsasən, gündə 2 dəfə məşq edəcək komandada əhval-ruhiyyə yüksəkdi.

 

Səhər yeməyinin ardınca yerli vaxtla saat 10.30-da meydana çıxan futbolçular qızınma hərəkətlərinin ardından fiziki təmrinlər üzərində çalışınlar. Məşqin ikinci hissəsi toplu hərəkətlər üzərində qurulun. İki qrup halında çalışan futbolçular dəyişik hərəkətləri yerinə yetirərək, məşğələləri qapıya  zərbələr endirməklə başa çatdırıblar.

 

90 dəqiqəlik məşqə düşərgəyə dəvət alan ruminiyalı futbolçu da qatılıb. Mərkəz müdafiəçisi ampluasında çıxış edən Klaudio Vikunun son klubu Moldovanın "Daçia" klubu olub. Rumın futbolçu bir neçə gün baxışda olacaq.

 

Komandanın axşam məşqi saat 18.00 (yerli vaxtla) təyin olunub.