15 yanvar 2013 18:27
İnterin növbəti rəqibləri bəlli oldu
Xəbər verdiyimiz kimi, “İnter”in əvəzedici heyəti “Şəfa” stadionunda təlim-məşq toplanışı keçirir. Azerisport.az xəbər verir ki, toplanış çərçivəsində Tofiq Mustafayevin yetirmələri artıq “Neftçi”nin U-17 komandasıyla keçirilən yoxlama qarşılaşmasında qivvələrini sınayıblar.
Bununla yanaşı, “İnter”in digər rəqibləri də müəyyənləşib. Belə ki, yanvarın 20-də komanda “Rəvan”ın ehtiyat heyətilə üz-üzə gələcək. Ayın 24-də “İnter” “Kəpəz”in əsas heyətilə qarşılaşacaq. Fevralın 2-də isə Tofiq Mustafayevin yetirmələri toplanış çərçivəsində son yoxlama oynunu çox güman ki, birinci divizionun təmsilçisi “Şuşa” komandasına qarşı keçirəcək.
Əlavə edək ki, “İnter”in toplanışı məhz sonuncu yoxlama qarşılaşmasından sonra başa çatacaq.
