16 yanvar 2013 13:25
Azərbaycanlı hakimlər bu gün Antalyada dörd oyun idarə edəcəklər
Topaz Premyer Liqasında çıxış edən klublarla yanaşı azərbaycanlı futbol hakimləri də Türkiyənin Antalya şəhərində təlim-məşq toplanışındadılar. Azerisport.az xəbər verir ki, referilərimiz bu gün dörd yoxlama görüşünü idarə edəcəklər.
Belə ki, Vüsal Əliyevin rəhbərlik etdiyi hakimlər briqadası Qazaxıstanın “Aktobe” klubunun iştirakı ilə keçiriləcək oyunda fit çalacaq. Fariz Yusifov Qazaxıstan “Taras”ı ilə Litva çempionunun oyununu idarə edəcək. Rəhim Həsənov iki Almaniya klubunun qarşılaşmasına təyinat alıb. Mahir Məmmədov isə Türkiyənni “İstanbulspor” klubunun iştirakı ilə keçiriləcək görüşdə ədaləti qorumağa çalışacaq.
