17 yanvar 2013 21:54
Neftçi ispaniyalı futbolçu gətirdi
Azərbaycan çempionu “Neftçi” baxışa ispaniyalı futbolçu çağırıb. Azerisport.az xəbər verir ki, bu, “Malaga” və “Elche”nin sabiq futbolçusu Pedro Ariasdı.
Sözügedən oyunçu artıq paytaxt klubunun Antalya toplanışına qoşulub. Pleymeykerin taleyinə yaxın günlərdə aydınlıq gələcək.
Qeyd edək ki, daha çox “Periko” ləqəbi ilə tanınan bu futbolçu 1985-ci ildə anadan olub. 2003-2007-ci illərdə “Malaga”nın B komandasında çıxış edən yarımmüdafiəçi burda 63 oyuna 5 qol vurub. Bu müddət ərzində o, “Malaga”nın əsas komandasında da 24 görüşdə 2 qola imza atıb. 2007-ci ildə o, “Castellon”a keçib və bu komandada 53 qarşılaşmada 6 qol vurub. 2009-2011-ci illər aralığında “Salamanca”da top qovan Pedro 65 oyuna çıxıb, 6 qola imza atıb. Onun son komandası isə “Elche” olub (28 oyun).
Qeyd edək ki, Pariko vaxtilə İspaniyanın U-18 komandasında da 3 oyuna çıxıb.
