17 yanvar 2013 12:33
Xəzər Lənkəranda belarus yarımmüdafiəçi (FOTO)
“Xəzər Lənkəran” belaruslu yarımmüdafiəçini sınaqdan keçirir. Azerisport.az xəbər verir ki, bu, İvan Deniseviçdi.
O, hazırda Antalyada – cənub klubunun düşərgəsindədi. Məşqçilər korpusu 28 yaşlı xavbeki qarşıdakı yoxlama oyunlarında da sınaqdan keçirəcəklər. Yalnız bundan sonra Deniseviçin komandada qalıb-qalmayacağına aydınlıq gələcək.
Qeyd edək ki, Deniseviç 1984-cü ildə anadan olub. O, 2004-2006-cı illər aralığında “Darida”da çıxış edib və 59 oyuna 2 qol vurub. 2007-2009-cu illər aralığında “Neman”da oynayan orta sahə oyunçusu 61 qarşılaşmada 11 qola sevinib. 2010-cu ildə Soliqorsk “Şaxtyor”una keçən futbolçu burda 33 matça çıxıb (8 qol). 2011-ci ildə yenidən “Neman”a qayıdan yarımmüdafiəçi həmin dövrdən bəri 58 qarşılaşmaya çıxıb, 12 qol vurub.
Qeyd edək ki, Deniseviç vaxtilə Belarusun U-21 yığmasının heyətində də 11 oyun keçirib.
