21 yanvar 2013 01:30
Kristian Pulhak: Skarlatake mənim Azərbaycana daha tez uyğunlaşmağıma kömək edəcək
“Qəbələ”nin müqavilə bağlamaq istədiyi rumıniyalı müdafiəçi Kristian Pulhak Azərbaycan klubuna keçidi barədə danışıb. Azerisport.az xəbər verir ki, Buxarest “Dinamo”sunun cinah müdafiəçisi öncə bunları dilə gətirib:
“Mən “Dinamo”dan ayrıldım. Çünki bu klubun pulu yox idi. Amma bu komanda həmişə mənim qəlbimdə qalacaq. Azərbaycana gedirəm. Ümid edirəm ki, yeni komandamda hər şey yaxşı olacaq”.
“Mən “Dinamo”dan ayrıldım. Çünki bu klubun pulu yox idi. Amma bu komanda həmişə mənim qəlbimdə qalacaq. Azərbaycana gedirəm. Ümid edirəm ki, yeni komandamda hər şey yaxşı olacaq”.
Futbolçu etiraf edib ki, hazırda “Qəbələ” və ölkəmiz barədə məlumat toplayır: “Mən “Qəbələ” barədə ətraflı məlumat toplamağa çalışıram. Yaxşıdı ki, keçmiş komanda yoldaşım Adrian Skarlatake “Xəzər Lənkəran”da çıxış edir. Biz bir-birimizlə yaxınıq, danışırıq. Fikrimcə, bu, yeni ölkəyə daha tez uyğunlaşmağıma kömək edəcək”.
Qeyd edək ki, Pulhak “Qəbələ” ilə iki illik müqavilə bağlayacaq. O, ilinə 200 min dollar qazanacaq. “Dinamo”nun isə onu pulsuz buraxacağı bildirilir.
