21 yanvar 2013 20:45
Neftçi Aktobeni məğlub etdi (YENİLƏNİB)
Türkiyənin Antalya şəhərində təlim-məşq toplanışında olan “Neftçi” qardaş ölkədəki hazırlıq prosesi çərçivəsində bu gün ikinci yoxlama görüşünə çıxıb. Azerisport.az xəbər verir ki, “ağ-qaralar” Qazaxıstanın “Aktobe” klubu ilə üz-üzə gəlib.
Matç Bakı klubu üçün yaxşı başlayıb. Böyükağa Hacıyevin yetirmələri ilk yarıda iki cavabsız qol vurublar. Fasilədən sonra qazaxlar iki qol vursalar da, Nasimovun üçüncü qolu qələbə üçün yetərli olub.
Xatırladaq ki, “Neftçi” Antalyadakı ilk matçında Rusiyanın “Rotor” klubunu 1:0 hesabı ilə məğlub etmişdi.
Yoxlama oyunu
21 yanvar
NEFTÇİ – AKTOBE - 3:2 (2:0)
Qollar: Periko, 20 (1:0), Kanales, 35 (2:0), Nasimov, 54 (3:1)
"Neftçi"nin start heyəti: Stamenkoviç, Quliyev, Bertuççi, Mitreski, Şükürov, Kabion, Periko, Sadiqov, Abdullayev, Flavinyo, Kanales.
Oyun başladı
20. Periko dəqiq baş zərbəsi ilə hesabı açır - 1:0
35. Kanales rəqib qapıçı ilə üz-üzə qalır və şansını qaçırmır - 2:0
Birinci hissə başa çatdı
İkinci hissə başladı
48. Qazaxlar hesab arasındakı fərqi azaldırlar - 2:1
Bertuççiyə qarşı cərimə meydançasında qaydanı pozurlar və görüşün baş hakimi Rəhim Həsənov penalti təyin edir
54. Nasimov penaltini dəqiq yerinə yetirərək, hesab arasındakı fərqi artırır - 3:1
82. "Aktobe" daha bir qol vurur - 3:2
Matç başa çatdı
