23 yanvar 2013 00:02
İnterin Almaniya klubuna məğlubiyyəti (FOTOREPORTAJ)
Xəbər verdiyimiz kimi, Türkiyədə təlim-məşq toplanışında olan "İnter" qardaş ölkədə ikinci yoxlama matçını keçirib. Azerisport.az xəbər verir ki, Almaniyanın "Ingolstadt" klubuyla görüşə paytaxt təmsilçisi aşağıdakı heyətlə çıxıb:
1. Georgi Lomaya, 20. Brüs Abdulay, 15. Vladimir Levin (k), 7. Ruslan Əmircanov, 6. Samir Zərgərov, 18. İliya Kandelaki, 25. İbrahima Niasse, 11. Asif Məmmədov, 5. Slavço Georgiyevski, 24. Fuad Bayramov, 28. Baçana Tsxadadze.
İkinci hissədə Kaxaber Tsxadadze əsasən gənc futbolçulara şans verib. Gərgin mübarizə və yağışlı hava şəraitində keçən qarşılaşma 3:1 hesabıyla Almaniya komandasının xeyrinə başa çatıb. "İnter"in yeganə qolunu Daniel Genov vurub.
Xatırladaq ki, "İnter"in toplanış çərçivəsində Almaniyanın "Aalen" komandasına qarşı keçirdiyi ilk yoxlama matçı 1:1 hesabıyla yekunlaşmışdı.
