23 yanvar 2013 18:14
Foda: Kaiserslautern Azərbaycan yığması deyil
Almaniyanın “Kaiserslautern” klubunun baş məşqçisi Franko Foda azerisport.az saytına müsahibəsində Azərbaycan yığmasının hücumçusu Rüfət Dadaşovdan danışıb, eləcə də “Qəbələ” ilə yoxlama oyununun baş tutmamasının səbəbini izah edib.
- Rüfət Dadaşovu əsas komandaya cəlb etsəniz də, sonra ondan imtina etdiniz. Niyə?
- Onu mənə U-23 komandamızın baş məşqçisi məsləhət gördü. Gənc komandalarımızdan təsadüfi hallarda futbolçu cəlb edirik. Dadaşov da onlardan biri idi. Amma onun fiziki hazırlığı bizi qane etmədi. Ona görə də yenidən U-23-ə qayıtdı. O, hələ əsas komandada oynamağa hazır deyil. Amma Dadaşovun gec-tez əsas komandaya çağırılması istisna deyil.
- Onu mənə U-23 komandamızın baş məşqçisi məsləhət gördü. Gənc komandalarımızdan təsadüfi hallarda futbolçu cəlb edirik. Dadaşov da onlardan biri idi. Amma onun fiziki hazırlığı bizi qane etmədi. Ona görə də yenidən U-23-ə qayıtdı. O, hələ əsas komandada oynamağa hazır deyil. Amma Dadaşovun gec-tez əsas komandaya çağırılması istisna deyil.
- Bəs o nə vaxt “Kaiserslautern”in əsas heyətində görünə bilər?
- O, istedadlı oyunçudu. Amma üzərində daha da çox işləməsi lazımdı. Hələ gəncdi. Çalışmaq üçün vaxtı çoxdu.
- O, istedadlı oyunçudu. Amma üzərində daha da çox işləməsi lazımdı. Hələ gəncdi. Çalışmaq üçün vaxtı çoxdu.
- Amma artıq Azərbaycan yığmasına çağırılmağa başlayıb...
- “Kaiserslautern” Azərbaycan yığması deyil. Bunlar fərqli komandalardı. Mən onun yığmanızın seleksiya xarakterli toplanışına qatılmasından xəbərdaram. Ona milli komandada uğurlar arzulayıram.
- Azərbaycan futbolu barədə nə bilirsiz?
- Ancaq Dadaşovun yığmasında oynamasını (gülür). Bir də əsas komandanıza Berti Foqtsun rəhbərlik etməsini. Yeri gəlmişkən, Foqts vaxtilə mənim məşqçim olub.
- Ancaq Dadaşovun yığmasında oynamasını (gülür). Bir də əsas komandanıza Berti Foqtsun rəhbərlik etməsini. Yeri gəlmişkən, Foqts vaxtilə mənim məşqçim olub.
- Siz Azərbaycan klublarından “Qəbələ” ilə eyni oteldə qalırsız. Bu komanda ilə sınaq matçından niyə imtina etdiniz?
- Biz hazırlıq planlarımızı öncədən müəyyənləşdirmişdik. Planlarımızda “Qəbələ” ilə oyun keçirmək yox idi.
- Biz hazırlıq planlarımızı öncədən müəyyənləşdirmişdik. Planlarımızda “Qəbələ” ilə oyun keçirmək yox idi.
- Deyilənə görə, siz bu oyundan ona görə imtina etmisiz ki, ötən mövsüm klublarımızdan biri ilə qarşılaşmada futbolçular arasında dava düşübmüş...
- Bu barədə heç nə deyə bilmərəm. Yenə də deyirəm ki, biz sınaq matçlarımızın siyahısını öncədən müəyyənləşdirmişdik. Bu həftənin sonunda isə Almaniyaya qayıtmalıyıq.
