Simurq növbəti matçını Rusiya klubuna qarşı keçirəcək

“Simurq”un Antalyada təşkil olunmuş qış təlim-məşq toplanışı davam edir. Azerisport.az xəbər verir ki, Georgi Çixradzenin yetirmələri ötən gün bir məşq çıxıblar.

 

Səhər saatlarında baş tutan hazırlıqda əvvəlcə yüngül qaçış və isinmə hərəkətləri yerinə yetirilib. Daha sonra CSKA ilə matçda əvəzlənməyən Ruslan Poladov, Aleksandr Şemonayev, Stepan Polyak və Anderson Oliveyra komandadan ayrı çalışıb. Onlar məşqi ayaq tenisi oynamaqla davam etdiriblər. Qalan futbolçular isə dörd qrupa bölünərək iki tərəfli oyun keçirib. Bundan sonra isə baş məşqçi yetirmələrinə istirahət verib.

 

Qeyd edək ki, “Simurq” bu gün iki məşqə çıxacaq. Komanda Antalya hazırlığı çərçivəsində yanvarın 25-də növbəti yoxlama görüşünü keçirəcək. “Sarı-qaralar”ın rəqibi Rusiyanın “Tom” klubu olacaq.