23 yanvar 2013 15:05
Pulhak Qəbələ ilə iki illik müqavilə imzalayacaq
Xəbər verdiyimiz kimi, rumıniyalı müdafiəçi Kristian Pulhak artıq “Qəbələ”nin düşərgəsinə qoşulub. Azerisport.az xəbər verir ki, sabah o, tibbi müayinədən keçəcək.
Bundan sonra isə onunla iki illik müqavilə imzalanacaq.
Qeyd edək ki, 1984-cü ildə anadan olan Pulhak peşəkar karyerasına məhz 2002-ci ildə “Dinamo”da başlayıb. O, indiyə qədər bu klubda 170 oyuna çıxıb və 3 dəfə rəqib qapılarına yol tapmağı da bacarıb. Amma müdafiəçi 2002-03 mövsümündə “Poiana Campina”da (13 oyun), 2003-04 mövsümündə “Sportul Studenţesc” klubunda (11 oyun), eləcə də 2010-11 mövsümündə İspaniyanın “Hercules” klubunda icarə əsasında oynamağa da imkan tapıb.
2004-2006-cı illər aralığında Rumıniyanın U-21 yığmasında 6 oyun keçirib, 1 qol vuran Pulhak ölkəsinin əsas millisində də 3 oyuna çıxıb.
