25 yanvar 2013 00:14
“Topla davranmaq və texnika üzərində çalışmaları yaxşılaşdırmaq lazımdı”
Xəbər verdiyimiz kimi, ötən gün “İnter”in əvəzedici heyəti Bakı toplanışı çərçivəsində növbəti yoxlama matçı keçirib. Azerisport.az xəbər verir ki, bu oyunda komanda “Kəpəz”lə gücünü sınayıb.
Premyer Liqa təmsilçisi ilə oyun 2:2 hesabıyla başa çatıb. Əvəzedici komandanın baş məşqçisi Tofiq Mustafayev oyunu şərh edib. Klub saytına açıqlamasında o, bunları dilə gətirib:
“Oyun kifayət qədər maraqlı alındı. Biz bir neçə əsas futbolçularsız oynadıq. Lakin buna baxmayaraq komanda yaxşı futbol nümayiş etdirdi. Biz rəqibə məğlub olmadıq. Hətta bir çox komponentlərdə onları üstələdik. “Kəpəz” daha təcrübəli və yaşca böyük futbolçulara malikdir və bu fakt bizim oyunçulara müəyyən təzyiq göstərirdi. Ancaq buna baxmayaraq onlar tapşırığın öhdəsindən gəldilər.
“Oyun kifayət qədər maraqlı alındı. Biz bir neçə əsas futbolçularsız oynadıq. Lakin buna baxmayaraq komanda yaxşı futbol nümayiş etdirdi. Biz rəqibə məğlub olmadıq. Hətta bir çox komponentlərdə onları üstələdik. “Kəpəz” daha təcrübəli və yaşca böyük futbolçulara malikdir və bu fakt bizim oyunçulara müəyyən təzyiq göstərirdi. Ancaq buna baxmayaraq onlar tapşırığın öhdəsindən gəldilər.
Biz iki yaxşı təşkil olunmuş hücum nəticəsində iki qol vurduq. Reallaşdıra bilmədiyimiz bir neçə anlarımız da oldu. Funksional planda komanda xoşuma gəldi, ancaq bizə hələ çalışmaq lazımdır. Topla davranmaq və texnika üzərində çalışmaları yaxşılaşdırmaq lazımdı.
Ümumilikdə, bugünkü oyununun nəticəsindən razıyam. Düşünürəm ki, komanda mövsümün ikinci hissəsinə daha yaxşı vəziyyətdə yaxınlaşacaq və mübarizə aparmaq qabiliyyəti artacaq”.
Xatırladaq ki, “İnter”in əvəzedici heyətinin toplanışı fevralın 2-dək davam edəcək.
