25 yanvar 2013 03:16
Simurq Buşiç və Omari haqda qərarı nə vaxt açıqlayacaq?
Antalyada hazırlıqlara davam edən "Simurq" ötən gün iki məşqə çıxıb. Azerisport.az xəbər verir ki, səhər idmanı əsasən taktiki və texniki tapşırıqlar üzərində qurulmuşdu.
İsinmə hərəkətlərindən sonra fiziki hazırlıq üzrə məşqçi Aleksandar Karakliçin rəhbərliyi altında fiziki göstəricilərin artırılması üçün yüngül çalışmaları yerinə yetirilib. Daha sonra isə qısa ötürmələr və qapıya zərbələr üzərində məşq edilib. Çalışmanın sonunda isə Georgi Çixradzenin yetirmələri standart vəziyyətləri yetirə yetirib. Axşam məşqi isə qısa məsafəli qaçış və isinmə hərəkətlərindən sonra ikitərəfli oyunla tamamlanıb.
Murad Səttarlı U-21-in düşərgəsinə qoşulduğundan komanda ilə birgə hazırlıqlara qatılmayıb. Hazırda baxışda olan hücumçular Tomislav Buşiç və Tshibamba Omari isə hələ də, "Simurq"la birlikdə məşq edir. Onlar haqqında son qərar məşqçilər korpusu tərəfindən yoldaşlıq görüşlərindən sonra verəcək.
Qeyd edək ki, Zaqatala təmsilçisi bu gün Antalya toplanışı çərçivəsində üçünçü yoxlama oyununu keçirdəcək. Komandanın rəqibi "Tom" klubu olacaq. Qarşılaşma Bakı vaxtı ilə 19:15-də start götürəcək.
