25 yanvar 2013 03:26
Georgi Adamiya məşqlərə start verdi (FOTOLAR)
Türkiyədə təlim-məşq toplanışı keçirən "İnter" ötən gün növbəti iki məşqinə çıxıb. Azerisport.az xəbər verir ki, səhər məşqində futbolçular əsasən fiziki hərəkətlərin və müəyyən məsafayə qaçışın yerinə yetirilməsinə diqqət ayırıblar.
Axşam məşqinə isinmə hərəkətləri ilə başlayan komanda sonradan meydançanın yarısında ikitərəfli oyun keçirib.
Əlavə edək ki, uzun müddətdi zədə üzündən yaşıl meydanlardan ayrı düşən Georgi Adamiya artıq komandanın sərəncamındadı və gürcüstanlı futbolçu fərdi proqram əsasında məşq edir.
Xatırladaq ki, bu gün "İnter" toplanış çərçivəsində 3-cü yoxlama matçına çıxacaq. Komandanın bu dəfəki rəqibi "Metallurq" (Zaporojye, Ukrayna) olacaq. Oyun yerli vaxtla saat 17:00-da başlayacaq.
