25 yanvar 2013 12:34
Mahmud Qurbanov: Yoxlama oyunlarının nəticəsi bizim üçün önəmli deyil
"Kəpəz"in baş məşqçisi Mahmud Qurbanov dünən "İnter"in əvəzedici heyəti ilə keçirilən görüş haqda fikirlərini bölüşüb. Azerisport.az xəbər verir ki, Qurbanov başçılıq etdiyi komandanın oyunu haqda bunları söyləyib:
"Hazırda fiziki hazırlıq üzərində çalışırıq. Demək olar ki, topla az məşq edirik. Bu mərhələdə yoxlama oyunları keçirməklə, məqsəd baxışda olan futbolçuların vəziyyətini yoxlamaqdı. Düzdü, oyunçular hələ ki, ağırdılar. Bu da məşqlərin ağırlığından, yükləmələrdən irəli gəlir. Amma ötən oyunla müqayisədə irəliləyiş var. Həm də bu gün yoxlama oyunlarının nəticəsi bizim üçün önəmli deyil. Əsas baxışda olanları nəzərdən keçirməkdi. Onlar haqda hələlik qəti bir söz demək olmaz. Bununla belə deyim ki, özünü yaxşı tərəfdən göstərənlər var".
