26 yanvar 2013 00:57
Cavid İmamverdiyev Kiyev Dinamosunda növbəti oyununa çıxdı (VİDEO)
Hazırda Kiyev “Dinamo”sunun ikinci komandasında baxışda olan “Neftçi”nin futbolçusu Cavid İmamverdiyev növbəti oyuna çıxıb. Azerisport.az xəbər verir ki, Oleq Makarovun xatirəsinə həsr olunan turnirin qrup mərhələsindəki son oyunda meydana çıxan və 45 dəqiqə oynayan İmamverdiyev “Dinamo”nun gənclərdən ibarət komandasına qarşı keçirilən 1/4 final qarşılaşmasında da komandasına kömək edib.
Lakin bu dəfə o, əsas heyətdə meydana çıxıb və 90 dəqiqə meydanda olub. İmamverdiyevin komandası isə 1:0 hesabı ilə qalib gələrək yarımfinala vəsiqə qazanıb.
Qeyd edək ki, yarımfinalda "Dinamo-2"nin rəqibi "Dinaz" olacaq.
