25 yanvar 2013 20:39
İnter Metallurgla sülhə razılaşdı (YENİLƏNİB)
Türkiyənin Antalya şəhərində təlim-məşq toplanışında olan “İnter” qardaş ölkədəki hazırlıq prosesi çərçivəsində bu gün üçüncü yoxlama görüşünə çıxıb. Azerisport.az xəbər verir ki, “bankirlər” Ukraynanın “Metallurg” (Zaporojye) klubu ilə üz-üzə gəlib.
Görüş elə başladığı kimi də başa çatıb. Çünki tərəflərdən heç biri qol vura bilməyib.
Xatırladaq ki, Kaxaber Tsxadadzenin yetirmələri Antalyadakı ilk matçında Almaniya təmsilçisi “Aalen” ilə 1:1 hesablı heç-heçəyə razılaşmışdı. Növbəti görüşdə isə Almaniyanın “Ingolstadt” klubu “bankirlər”i 3:1 hesabıyla məğlub etmişdi.
Yoxlama oyunu
25 yanvar
İNTER – METALLURG - 0:0
"İnter"in start heyəti: Revaz Tevdoradze, Ruslan Əmircanov, Vladimir Levin, Bryus Abdulay, İliya Kandelaki, Abdulla Abatsiyev, Slavço Geogiyevski, İbrahima Niasse, Samir Zərgərov, Yuri Fomenko, Baçana Tsxadadze.
