26 yanvar 2013 11:24
“Bu seriyanı davam etdirmək istəyirik”
Azərbaycan çempionu “Neftçi”nin yarımmüdafiəçisi Mirhüseyn Seyidov azerisport.az saytına müsahibəsində komandasının Türkiyə toplanışını dəyərləndirib. O, öncə bunları dilə gətirib:
“Gündə iki dəfə məşq edirik. Yoxlama oyunları keçiririk. Fiziki hazırlıqlar oyunumuza da təsirsiz ötüşmür. Aydın məsələdi ki, toplanış zamanı keçirilən oyunlarda nəticə xüsusi önəm daşımır. Əsas odu ki, oyun keyfiyyətlərimizi yaxşılaşdıraq, çempionata hazır olaq”.
“Gündə iki dəfə məşq edirik. Yoxlama oyunları keçiririk. Fiziki hazırlıqlar oyunumuza da təsirsiz ötüşmür. Aydın məsələdi ki, toplanış zamanı keçirilən oyunlarda nəticə xüsusi önəm daşımır. Əsas odu ki, oyun keyfiyyətlərimizi yaxşılaşdıraq, çempionata hazır olaq”.
Seyidov hazırda komandada baxışda olan ispaniyalı futbolçu Periko və çilili Kabion haqda da fikirlərini açıqlayıb: “Onlar pis təsir bağışlamırlar. Düşünürəm ki, onlar komandaya kömək edə bilərlər. Təbii ki, qalsalar. Buna isə baş məşqçi qərar verəcək. Amma oyunçu kimi, həqiqətən pis deyillər”.
Gənc yarımmüdafiəçi yoldaşlıq oyunlarında qazandıqları qələbələrin çempionat matçlarında da onların çıxışına müsbət təsir edəcəyinə inandığını qeyd edib: “Biz çempionluq titulumuzu qorumaq istəyirik. Bu, minimum vəzifədi. Başlanğıc üçün qarşıdakı dörd oyunun hamısında qələbə qazanmağımız lazımdı. Artıq yoldaşlıq oyunlarında üç qələbə qazanmışıq. Bu seriyanı davam etdirmək istəyirik”.
