27 yanvar 2013 23:51
Kamran Ağayev debüt etdi, Bakı qol buraxmadı (YENİLƏNİB)
Antalyada təlim-məşq toplanışını davam etdirən "Bakı" bu gün qardaş ölkədəki hazırlıq prosesi çərçivəsində daha iki yoxlama oyunu keçirməli idi. Azerisport.az xəbər verir ki, zolaqlılar bir gündə həm Qazaxıstan, həm də Xorvatiya klubu ilə qarşılaşacaqdı.
Lakin Qazaxıstan təmsilçisi "Kaspi" ilə görüş baş tutmayıb. Əvəzində “zolaqlılar” Xorvatiya “Osijek”i ilə görüşüb. Qarşılaşma qolsuz heç-heçə ilə bitib.
Qeyd edək ki, "zolaqlılar" Antalyada ilk sınaq matçını Bolqarıstanın “Etır” klubuna qarşı keçirmişdi və 1:1 hesablı heç-heçəyə razılaşmışdı. Macarıstan “Ujpest”i ilə görüş 0:2 hesablı məğlubiyyətlə bitmişdi. Həmin gündə keçirilən Almaniyanın "Bergich Gladbach" klubu ilə qarşılaşmada isə 1:0 hesablı qələbə qeydə alınmışdı.
Yoxlama oyunu
27 yanvar
BAKI – OSİJEK - 0:0
"Bakı"nın start heyəti: Kamran Ağayev, Edemir Rodriqes, Georgi Popxadze, Aqil Nəbiyev, Horvat, Deyvidas Çesnauski, Elvin Məmmədov, Qoyan, Şoliç, Nurlan Novruzov, Rauf Əliyev.
