28 yanvar 2013 20:55
Qəbələ Rumıniya klubuna qalib gəldi (YENİLƏNİB)
Antalyada hazırlıqlarını davam etdirən "Qəbələ" bu gün qardaş ölkədəki toplanış çərçivəsində 4-cü yoxlama oyununa çıxıb. Azerisport.az xəbər verir ki, Ramiz Məmmədovun komandası bu dədə Rumıniya "Petrolul"u ilə qarşılaşıb.
Matç "Qəbələ" üçün uğurlu alınıb. Təmsilçimiz rəqibini iki cavabsız qolla yenib.
Qeyd edək ki, əsası 1952-ci ildə qoyulan Rumınıya klubu indiyədək fərqli adlar altında ölkə çempionatlarında çıxış edib. Ölkənin ən titullu komandalarından hesab olunan "Petrolul" hazırda Rumıniya I Liqasında mübarizə aparır.
Maraq üçün xatırladaq ki, “Qəbələ” Türkiyədəki ilk sınaq matçında Almaniyanın "İnqolsdatd" klubuna 3:4 hesabıyla uduzmuşdu. Ukraynanın "Volın" klubuna 2:1 hesabıyla qalib gələn təmsilçimiz bu ölkənin digər təmsilçisi "Metallurq"la sülh bağlamışdı – 1:1.
Yoxlama oyunu
28 yanvar
QƏBƏLƏ – PETROLUL - 2:0 (1:0)
Oyun başladı
7. Kamanan dəqiq zərbə ilə hesabı açır - 1:0
Birinci hissə başa çatdı
İkinci hissə başladı
80. Abdullayev rəqibini ikinci dəfə meydanın mərkəzinə dəvət edir - 2:0
Matç başa çatdı
"Qəbələ"nni start heyəti: Nəzirov, Valentiç, Kalabane, Kelhar, Pulhak, Quluzadə, Çertoqanov, Abdullayev, Dodo, Mendi, Kamanan.
