29 yanvar 2013 18:02
Gəncə tamamilə futbolsuz qaldı
Futbol üzrə Azərbaycan Birinci Divizionda çıxış edən “Tərəqqi” ev oyunlarını Şəmkir Olimpiya İdman Kompleksinin stadionunda keçirəcək. Azerisport.az xəbər verir ki, bu barədə PFL-ə müvafiq məktubla müraciət edən “Tərrəqi” klubu səbəb kimi Gəncə şəhər stadionunun ot örtüyünün bərbad, tamaşaçı sektorlarının isə qəzalı vəziyyətdə olmasını göstərib.
PFL klubun müraciətini müsbət cavablandırıb.
Qeyd edək ki, eyni səbəbdən “Kəpəz”in əsas və əvəzedici komandaları da ev oyunlarını Gəncədə keçirə bilməyəcək. Klubun əsas heyəti rəqiblərini “Dalğa Arena”da, əvəzedici heyəti isə Şəmkir Olimpiya Kompleksinin stadionunda qəbul edəcək.
