30 yanvar 2013 12:39
Doblas: Xəzər Lənkəranın hədəfləri xoşuma gəldiyi üçün seçdim
“Xəzər Lənkəran”ın yeni qapıçısı Toni Doblas Azərbaycan klubuna keçidi barədə fikirlərini açıqlayıb. Azerisport.az xəbər verir ki, o, öncə İspaniyanın “Zaragoza” klubunda üzləşdiyi münasibətə toxunub:
“Mən bu klubdan ona görə getdim ki, artıq vəziyyət çox çətinləşmişdi. Baş verənlərə artıq dözə bilməzdim. Nə qədər ki, oynamırdım, mənə qarşı münasibət də dəyişmirdi”.
“Mən bu klubdan ona görə getdim ki, artıq vəziyyət çox çətinləşmişdi. Baş verənlərə artıq dözə bilməzdim. Nə qədər ki, oynamırdım, mənə qarşı münasibət də dəyişmirdi”.
Qeyd edək ki, Doblas “Zaragoza”da lazımı qədər oyun şansı qazanmadığı üçün ötən mövsüm “Xerez”ə icarəyə verilmişdi. Lakin 33 yaşlı qapıçı bu klublarda öz istəyinə nail ola bilməyincə, ümumiyyətlə anlaşmanı qarşılıqlı razılıq əsasında pozmağa qərar verib. Amma həmin dövrdən bəri hələ özünə klub tapa bilməyib.
İndi isə Azərbaycan klubundan sərfəli təklif gəlib. Hansı ki, Doblas bunu müsbət qarşılayıb:
“Xəzər Lənkəran”dan bir neçə həftə öncə təklif aldım. Klubun hədəfləri mənim xoşuma gəldi. Həm də komandanı ispaniyalı mütəxəssis Karles Bakes çalışdırır. O, mənə güvənir. Bu üzdən də düşünürəm ki, artıq bu təklifi qəbul etməyin və İspaniyadan kənarda oynamağın vaxtı gəlib”.
“Xəzər Lənkəran”dan bir neçə həftə öncə təklif aldım. Klubun hədəfləri mənim xoşuma gəldi. Həm də komandanı ispaniyalı mütəxəssis Karles Bakes çalışdırır. O, mənə güvənir. Bu üzdən də düşünürəm ki, artıq bu təklifi qəbul etməyin və İspaniyadan kənarda oynamağın vaxtı gəlib”.
Sonda onu da bildirək ki, İspaniya mətbuatı artıq Doblasla “Xəzər Lənkəran”ın ilyarımlıq müqavilə bağladığını iddia edir. Cənub klubu isə hələlik bu barədə açıqlama verməyə tələsmir.
