31 yanvar 2013 17:29
İspaniyalı qapıçı rəsmən Xəzər Lənkəranda (FOTO)
“Xəzər Lənkəran” daha bir futbolçu ilə münasıbətlərini rəsmiləşdirib. Azerisport.az klubun rəsmi saytına istinadən xəbər verir ki, cənublular bu gün 32 yaşlı ispaniyalı qapıçı Antonio (Toni) Doblas Santana ilə 1,5 illik müqavilə imzalayıblar.
1,85 m. boya malik olan Toninin çıxış etdiyi son klub “Xerez” olub. O, bu kluba məxsus olduğu “Zaragoza”dan icarəyə verilmişdi.
Doblasın peşəkar futbolçu karyerası 1999-cu ildə hələ yeniyetmə yaşında oynadığı “Betis” klubundan başlayıb. O, bu komandanın əvəzedici heyətində 4 mövsüm keçirərək, daha sonra həmin klubun əsas heyətində oynamağa başlayıb. 2003-cü ildə Toni bir mövsümlük “Xerez” klubuna icarəyə verilib. 2008-ci ildə isə “Zaragoza” klubuna keçib. Burada 1 mövsüm oynayandan sonra Doblas “Huesca” klubuna transfer olunub, lakin mövsüm başa çatan kimi yenidən “Zaragoza”ya qayıdıb. Ötən (2011/12) mövsümünü Toni “Zaragoza” nın futbolçusu olaraq icarə əsasında “Xerez”də keçirib.
