31 yanvar 2013 18:16
Neftçi transfer məsələləri ilə bağlı qərarlarını açıqladı
30.01.2013-cü il tarixində “Neftçi”nin düşərgəsinə gələn klub prezidenti Sadıq Sadıqovun rəhbərliyi altında, klub rəsmiləri və məşqçilər korpusunun iştirakı ilə iclas keçirilib. Azerisport.az xəbər verir ki, iclasda komandanın hazırlıq prosesi və transfer məsələləri ilə bağlı müzakirələr aparılıb və qərarlar qəbul edilib:
1. “Neftçi”nin futbolçusu Cavid İmamverdiyev və digər gənc yerli futbolçularla bağlı transfer danışıqları mövsümün sonuna saxlanılsın.
2.Çilili futbolçu Xose Kabionla “6 ay+1 il” müddətinə müqavilə imzalansın.
3. Tibbi baxış nəticəsində diz nahiyyəsində zədə aşkarlanması səbəbindən ispaniyalı futbolçu Pedro Perikonun transferi məqsədəuyğun hesab edilməsin.
4. “Neftçi”nin qapıçı transferi ilə bağlı danışıqları 3.2.2012-ci il tarixinə kimi yekunlaşsın və müvafiq qapıçının transferi həll olunsun.
