31 yanvar 2013 20:32
Qarabağ ispaniyalı hücumçunu yenidən düşərgəsinə dəvət etdi
“Qarabağ” bir müddət öncə baxışa çağırıb, sonradan imtina etdiyi ispaniyalı hücumçu Manuel Bledanı yenidən düşərgəsinə çağırıb. Azerisport.az xəbər verir ki, bu futbolçu ağdamlıların toplanışının ilk günlərində düşərgəyə gəlmiş, məşqlərdə iştirak etmiş, hətta bir neçə oyuna da çıxmaq şansı qazanmışdı.
Amma məşqçilər korpusu daha yaxşı hücumçu ilə güclənməkdə maraqlı olduqlarından, onu yola salmışdılar. Bu gün isə ispaniyalı futbolçu “Qarabağ”ın düşərgəsinə qaytarılıb. Onun sabah baş tutacaq Gürcüstan “Zestafoni”si ilə görüşdə iştirakı da gözlənilir.
