1 fevral 2013 00:06
Anderlechtin futbolçusu Qarabağda (FOTO)
“Qarabağ” baxışa daha bir futbolçu dəvət edib. Azerisport.az xəbər verir ki, Ağdam klubu Belçikanın “Anderlecht” klubunun yarımmüdafiəçisi Reynaldo dos Santos Silvanı baxışdan keçirir.
Artıq 23 yaşlı futbolçu İstanbulda tibbi müayinədən də keçib. Onun tezliklə Ağdam klubu ilə müqavilə imzalaması gözlənilir.
Qeyd edək ki, “Anderlecht” Reynaldonu ötən mövsüm “Westerlo”ya icarəyə verib. O, burda beş oyuna bir qol vurub. “Anderlecht”də isə üç oyuna çıxıb.
Reynaldo vaxtilə “Cercle Bruges” və Braziliyanın “Nautico” klublarında da çıxış edib. Ağdam klubunun braziliyalı futbolçu ilə 2 ya da 3 illik müqavilə imzalaması gözlənilir.
