3 fevral 2013 00:50
“Özümü yaxşı tərəfdən göstərib, uğur qazanmaq istəyirəm”
“Sumqayıt”ın növbəti transferi - Azərbaycan U-21 millisinin sabiq yarımmüdafiəçisi Mirzağa Hüseynpur bu keçidlə bağlı fikirlərini açıqlayıb. Azerisport.az xəbər verir ki, o, klubun rəsmi saytına müsahibəsində bunları dilə gətirib:
“Azərbaycanın Goranboy şəhərində anadan olmuşam. Uşaq yaşlarımda ailəmlə birlikdə Rusiyaya köçmüşəm. Futbola da elə bu ölkədə başlamışam. 2005-2010-cu illər ərzində “Rostov” klubunda çıxış etmişəm. Əsas komandaya yüksəldiyim vaxt isə ağır zədə aldığım üçün burada möhkəmlənə bilməmişəm və “Mitos”a keçmişəm. Bu gün “Sumqayıt”la müqavilə imzaladım. İnşallah özümü yaxşı tərəfdən göstərib uğur qazanaram”.
