3 fevral 2013 01:54
Böyükağa Hacıyev: İstər fiziki, istərsə də taktiki baxımdan tam hazırıq
"Neftçi"nin baş məşqçisi Böyükağa Hacıyev Türkiyə toplanışı çərçivəsində Çinin "Hancjou" klubuna qarşı keçirdikəri sınaq matçından sonra fikirlərini açıqlayıb. Azerisport.az xəbər verir ki, o, 4:4 hesabıyla başa çatan oyunla bağlı klubun rəsmi saytına bunları söyləyib:
"Bu qarşılaşma ilə Antalya hazırlığına yekun vurduq. İstər fiziki, istərsə də taktiki baxımdan çempionata tam hazırıq. Çin klubu ilə qarşılaşmada heyətin bütün üzvlərinə şans verdik. Sevindirici haldı ki, gənclər də özlərini yaxşı tərəfdən göstərə bildi. Görüşün gedişatı da göstərdi ki, komanda bir sıra komponentlərdə irəliləyişə nail olub. Bu hazırlığın faydasını çempionat oyunlarında görəcəyik".
