4 fevral 2013 22:53
Rəvan daha bir futbolçu sınayır (FOTOREPORTAJ)
Premyer Liqanın yerdə qalan bölümünə hazırlıqlarını davam etdirən "Rəvan” bu gün 1 məşqlə kifayətlənib. Azerisport.az xəbər verir ki, komanda saat 11:00-da “Bayıl Arena”nın meydanına çıxıb.
Əvvəlcə sadə təmrinlərlə isinmə hərəkətləri yerinə yetirən futbolçular sonradan fiziki çalışmalara meyilli olub. Fiziki hazırlıq üzrə məşqçi Rastislav Svitski də bu çalışmalarda fəal iştirak edib. Şən əhval-ruhiyyənin mövcudluğu kənardan xoş mənzərə yaradıb. Baş məşqçi Ramil Əliyev ardından futbolçuları toplu çalışmalara, "kvadrat” oynamağa və meydanın yarı hissəsində ikitərəfli oyuna dəvət edib. Xüsusən sonuncu mini-oyun daha gözəl alınıb.
Qeyd edək ki, düşərgəyə təzə qoşulan və baxışa gələn yaponiyalı müdafiəçi Naoya Şibamura da komandayla məşq edib. Əsasən vətənində çıxış etmiş arxa xətt oyunçusu karyerasına Sinqapurun "Albireks Niiqata” kollektivində başlayıb, 2011-ci ildə Latviyanın "Ventspils”, 2012-ci ildə isə Özbəkistanın "Paxtakor” və "Buxara” komandalarında top qovub. Komandayla birgə ilk məşqinə çıxan yapon oyunçuyla bağlı yekun qərarı məşqçilər yaxın günlərdə verəcək.
