4 fevral 2013 14:03
Neftçi və Qərb yığması finalda (FOTOREPORTAJ)
U-14 Azərbaycan kuboku" turnirində finala yüksələn komandalar müəyyənləşib. Azerisport.az xəbər verir ki, ilk yarımfinal qarşıaşmasında "Neftçi" 2:0 hesabı ilə "İnter" komandasını məğlub edib.
Cənub və Qərb yığmaları arasında keçirilən digər yarımfinal oyunu 1:1 hesabı ilə yekunlaşdığı üçün qalib penaltı seriyasında bəlli olub. 11 metrlik zərbələri daha sərrast yerinə yetirən Qərb yığması 4:2 (ümumi hesab - 5:3) hesabı ilə qələbə qazanaraq finala yüksəlib.
Fevralın 6-da, saat 14:00-da "İnter" və Cənub yığması arasında üçüncü yer uğrunda oyun, həmin gün saat 16:0-da isə "Neftçi" və Qərb yığması arasında final qarşılaşması olacaq. Hər iki oyun AFFA Futbol Mərkəzindəki "Dalğa Arena"da keçiriləcək.
