5 fevral 2013 16:41
“Çıxışım Foqtsun xoşuna gəlsə, rəsmi oyunlarda da müdafiədə oynamağım istisna deyil”
Futbol üzrə Azərbaycan yığmasının yarımmüdafiəçisi Rəşad Sadiqov azerisport.az saytına müsahibəsində millimizin Dubay toplanışından və sabah baş tutacaq Lixtenşteynlə sınaq matçından danışıb.
- Klubunuzun Antalyadakı düşərgəsindən gəldiyinizi nəzərə alsaq, Dubay toplanışına qatılmaq çətin olmadı ki?
- İlk günlərdə çox çətin idi. Amma sonradan hər şey qaydasına düşdü. Çətinliklər normaldı. Toplanış zamanı futbolçu yorğun ola bilər.
- İlk günlərdə çox çətin idi. Amma sonradan hər şey qaydasına düşdü. Çətinliklər normaldı. Toplanış zamanı futbolçu yorğun ola bilər.
- Özbəkistan və Lixtenşteynlə yoldaşlıq oyunları barədə nə deyə bilərsiz?
- Bu matçlar təcrübə toplamaq baxımından önəmlidi. Xüsusilə də gənc futbolçular üçün. Yoxlama oyunlarının komandadakı anlaşma səviyyəsini yaxşılaşdırmaq baxımından əhəmiyyəti çox böyük olur.
- Bu matçlar təcrübə toplamaq baxımından önəmlidi. Xüsusilə də gənc futbolçular üçün. Yoxlama oyunlarının komandadakı anlaşma səviyyəsini yaxşılaşdırmaq baxımından əhəmiyyəti çox böyük olur.
- Özbəkistanla oyunda mərkəz müdafiəçisi kimi meydana çıxmışdınız...
- Hə. Bu, bir qədər mənim üçün yenilik oldu. Oyundan öncə Berti Foqts dedi ki, məni bu mövqedə oynatmaq istəyir. Amma o, eyni zamanda hücumlara daha çox dəstək verməyimi tələb edirdi. İrəli də getməliydim.
- O, bu eksperimentdən razı qaldı?
- Bəli. Çıxışımla bağlı ondan heç bir irad eşitmədim.
- Bəli. Çıxışımla bağlı ondan heç bir irad eşitmədim.
- Lixtenşteynlə oyunda da müdafiədə oynayacaqsız?
- Yəqin ki, elə olacaq. Əgər bu mövqedəki çıxışım Foqtsun xoşuna gəlsə, istisna deyil ki, rəsmi oyunlarda da müdafiə xəttində yer alım.
- Yəqin ki, elə olacaq. Əgər bu mövqedəki çıxışım Foqtsun xoşuna gəlsə, istisna deyil ki, rəsmi oyunlarda da müdafiə xəttində yer alım.
- Sizcə, Lixtenşteynlə oyunda nəticə nə dərəcədə önəmlidi?
- Bizə qələbə qazanmaq lazımdı. Bu, Lüksemburq və Portuqaliya ilə oyunlar öncəsi çox vacibdi. Həm də bu oyunun nəticəsi FİFA reytinqindəki mövqeyimizə təsir edə bilər. Sabah bütün komanda meydana yalnız qələbə üçün çıxacaq.
- Özbəklərlə oyunda çoxlu qol şanslarını boşa verdiniz. Sabah da eyni hal təkrarlana bilər?
- Özbəkistanla matç bizim üçün ilin ilk oyunu idi. Komandamız həmin vaxt yerli şəraitə yenicə uyğunlaşmağa başlamışdı. Eyni zamanda futbolçular arasında da anlaşma səviyyəsi yüksək deyildi. Sabah isə daha yaxşı oynayacağımı düşünürəm.
- Özbəkistanla matç bizim üçün ilin ilk oyunu idi. Komandamız həmin vaxt yerli şəraitə yenicə uyğunlaşmağa başlamışdı. Eyni zamanda futbolçular arasında da anlaşma səviyyəsi yüksək deyildi. Sabah isə daha yaxşı oynayacağımı düşünürəm.
- Kamran Ağayev, Rəşad Sadıqov, Ruslan Abışov kimi futbolçuların yoxluğu komandamızın çıxışına nə dərəcədə təsir edə bilər?
- Onlar həqiqətən komandamıza lazımlıdılar. Amma indi Azərbaycanda xeyli gənc futbolçu var ki, onlar rəqabəti gündən-günə artırırlar. Onları da nə vaxtsa yoxlamaq lazımdı. Məhz belə oyunlar yenilərin təcrübə qazanmasına şərait yaradır. Təcrübəlilər isə gec-tez karyeralarını başa vuracaqlar. Onların da yerini indiki gənclər tutacaqlar. Düzdü, sözügedən futbolçular mart ayında rəsmi oyunlara dəvət olunmalıdılar. Amma yenə də yekun qərar məşqçilərə məxsusdu.
- Onlar həqiqətən komandamıza lazımlıdılar. Amma indi Azərbaycanda xeyli gənc futbolçu var ki, onlar rəqabəti gündən-günə artırırlar. Onları da nə vaxtsa yoxlamaq lazımdı. Məhz belə oyunlar yenilərin təcrübə qazanmasına şərait yaradır. Təcrübəlilər isə gec-tez karyeralarını başa vuracaqlar. Onların da yerini indiki gənclər tutacaqlar. Düzdü, sözügedən futbolçular mart ayında rəsmi oyunlara dəvət olunmalıdılar. Amma yenə də yekun qərar məşqçilərə məxsusdu.
