6 fevral 2013 15:37
Vaqif Sadıqov: Lixtenşteyni məğlub etmək lazımdı
AZAL-ın baş məşqçisi Vaqif Sadıqov Azərbaycan yığma komandasının bu gün Lixtenşteynə qarşı keçirəcəyi yoxlama matçı öncəsi fikirlərini açıqlayıb. Azerisport.az saytına müsahibəsində o, bunları dilə gətirib:
“Lixtenşteyni məğlub etmək lazımdı. Dubaydan yaxşı xəbərlər gözləyəcəm. Foqts yığmaya yeni futbolçular cəlb edib və hiss olunur ki, yeni komanda formalaşdırır. Bu futbolçuların öz güclərinə inanması lazımdı. Mənim fikrimcə, bu oyuna Lüksemburqla qarşılaşmaya hazırlıq prizmasından yanaşmaq düzgün deyil. Çünki belə olan halda ən azı yığmanın 80 faiz əsas heyət üzvü komandanın sıralarında olmalıydı. Bu oyun sadəcə psixoloji cəhətdən qarşıdakı görüşlərə faydalı ola bilər”.
