9 fevral 2013 01:48
“Bir-iki xırda səhvi nəzərə almasaq, ideal çıxış etdik”
Əvəzedicilərin çempionatında fasilədən sonrakı ilk matçında "Turan”ı darmadağın edən (5:1) "Rəvan”ın baş məşqçisi Elşad Quliyev yetirmələrinin çıxışından razı qalıb. Azerisport.az xəbər verir ki, gənc mütəxəssis klubun rəsmi saytına açıqlamasında bunları deyib:
"Uşaqlar verdiyim bütün tapşırıqları yerinə yetirdi. Bir-iki xırda səhvi nəzərə almasaq, ideal çıxış etdiyimizi deyə bilərəm. Qırmızı vərəqəyə baxmayaraq rəqibi tam üstələdik. Bunda fasilə zamanı keçdiyimiz hazırlığın da böyük təsiri var. Komanda tədricən daha da yaxşı oynayacaq”.
