9 fevral 2013 11:16
Topaz Premyer Liqası, 19-cu tur: Vladislav Qədirovun proqnozu
“Rəvan”ın sabiq baş məşqçisi Vladislav Qədirov azerisport.az saytına müsahibəsində Topaz Premyer Liqasının 19-cu turunun oyunları ilə bağlı proqnozlarını açıqlayıb.
Kəpəz – Neftçi
“Neftçi” artıq xal itirməməyə çalışacaq. Çünki qələbə onlar üçün çox vacibdi. Özü də Türkiyədəki toplanışdan sonra komanda nə dərəcədə yaxşı hazır olduğunu isbatlamaq istəyəcək. Fikrimcə, paytaxt klubu qələbə şansını qaçırmayacaq.
Rəvan – Turan
“Turan”ın hələ də ilk altılığa düşmək üçün nəzəri şansları qalmaqdadı. Onların baş məşqçisi Əfqan Talıbov da çox iddialı mütəxəssisdi. Ona görə də gərgin mübarizəyə şahid olacağımızı düşünürəm. Bu oyunda heç-heçə olacağı qənaətindəyəm.
AZAL – Simurq
Çox gərgin oyun olacaq. Həm bu, həm də digər komanda müdafiədən oynamağa üstünlük verir. Ona görə də adi qarşılaşma olmayacağını düşünürəm. Lakin nəzərə alsaq ki, AZAL rəqibini öz meydanında qəbul edəcək, bakılılar qələbə qazanmalıdı.
Bakı – Sumqayıt
“Bakı”nın bu oyunda qələbə qazanmaqdan başqa çıxış yolu yoxdu. Mütləq üç xal qazanmaq lazımdı. Mən də bakılıların “Sumqayıt”ı yenəcəyini düşünürəm.
“Bakı”nın bu oyunda qələbə qazanmaqdan başqa çıxış yolu yoxdu. Mütləq üç xal qazanmaq lazımdı. Mən də bakılıların “Sumqayıt”ı yenəcəyini düşünürəm.
Qəbələ - Qarabağ
Əminəm ki, yaxşı və ağır bir matç olacaq. “Qarabağ”ın Qəbələdəki oyunu adətən uğurlu alınır. Amma buna baxmayaraq, “Qəbələ”nin bu dəfə şansını qaçırmayacağını düşünürəm. “Qəbələ” 3 xal qazanmalıdı.
Xəzər Lənkəran – İnter
Burda proqnoz vermək bir qədər çətindi. Çünki hələ də hansı komandanın necə futbolçularla gücləndiyini bilmirik. Lakin ümumi götürdükdə doğma meydan amilinə görə “Xəzər Lənkəran”ın müəyyən üstünlüyü var. Düzdü, “İnter” heç də zəif komanda deyil. Amma mən lənkəranlıların qələbə qazanacağını gözləyirəm.
