9 fevral 2013 13:15
Qarabağ üçün 2 illik həsrətə son qoymaq fürsəti
“Qarabağ” artıq Qəbələdədi. Azerisport.az xəbər verir ki, 2013-cü ildə ilk rəsmi oyununa çıxacaq Ağdam klubu ölkənin şimalına yollanıb.
50 günlük fasilədən sonra Premyer Liqanın XIX turunda “Qəbələ” ilə qarşılaşacaq komanda bu gün oyunun keçiriləcəyi meydançada məşq edəcək.
“Qarabağ” Qəbələyə tam heyətlə yollanıb. Sadəcə, yeni transfer Reynaldo sabahkı görüşdə iştirak etməyəcək. Braziliyalı gələn həftə “Sumqayıt”la baş tutacaq oyunda hazır olacaq.
“Qarabağ” Qəbələyə seriyasını davam etdirməyə və seriyanı qırmağa gedir. “Qarabağ” 2 ildi “Qəbələ”ni məğlub edə bilmir. Sonuncu dəfə 2 il bundan əvvəl fevralın 13-də “Qəbələ” üzərində doğma meydanda 3:0 qələbə də qış fasiləsindən sonrakı ilk oyun təsadüf etmişdi. Ənənəni davam etdirmək üçün 3 günlük ara eyni durumu yaradıb.
Cari mövsümün ilk yarısında baş tutan görüşdə “Qələbə” mərkəzi arenada “Qarabağ”ı 2:1 hesabıyla məğlub edib. XI tur çərçivəsində, oktyabrın 31-də qeydə alınan nəticədən sonra “Qarabağ” baş tutan 8 görüşdə (7 çempionat, 1 kubok) məğlubiyyət üzü görməyib (6 qələbə, 2 heç-heçə).
Göründüyü kimi, “Qarabağ” Qəbələyə 3 aydan çoxdur davam edən məğlubiyyətsiz seriyasını davam etdirməyə gedir. Qazanlılacaq qələbə seriyanı davam etdirəcək, rəqib qarşısında 2 ildi davam edən qələbəsizlik seriyasına son qoyacaq.
