11 fevral 2013 00:46
Arif İsayev və Rail Məlikovsuz Denizlispor evdə uduzdu (YENİLƏNİB)
Futbol üzrə Azərbaycan yığmasının yarımmüdafiəçisi Arif İsayevlə müdafiəçi Rail Məlikovun şərəfini qoruduğu Türkiyənin “Denizlispor” klubu bu gün növbəti matçına çıxıb. Azerisport.az xəbər verir ki, həmyerlilərimizin komandası PTT Birinci Liqanın 21-ci turu çərçivəsində “Tavşanlı Linyitspor” ilə qarşılaşıb.
Oyun doğma meydanında keçirilirdi. Ona görə də Dənizli klubu bu görüşdən mütləq qələbə ilə ayrılmağı hədəfləmişdi. Amma qarşılaşma dənizlilərin məğlubiyyəti ilə bitib.
Bu görüşdə Arifin də forma geyməsi istisna deyildi. Baş məşqçi Selahattin Dervent son oyunda qırmızı vərəqə alan və cəzalı duruma düşən Raildən fərqli, digər həmyerlimizi meydana buraxa bilərdi. Amma təəssüf ki, İsayev də bu görüşdə forma geyməyib.
Qeyd edək ki, Ariflə Railin komandası 21 oyuna 24 xalla 13-cü yerdə gedir.
PTT Türkiyə Birinci Liqası
21-ci tur
10 fevral
Denizlispor - Tavşanlı Linyitspor - 0:1
