11 fevral 2013 19:17
Böyükağa Hacıyev: Qəbələ və Qarabağdan daha çox ehtiyatlanmaq lazımdı
“Neftçi”nin baş məşqçisi Böyükağa Hacıyev Topaz Premyer Liqasının 19-cu turunun “Kəpəz”lə oyunundan sonra azerisport.az saytının bir sıra suallarını cavablandırıb.
- “Neftçi”nin 2013-cü ilə möhtəşəm başlaması rəqibin zəif olmasından irəli gəlirdi?
- “Kəpəz” heç də pis oynamadı. Görünürdü ki, Mahmud Qurbanov komandada əla atmosfer yarada bilib. Biz onları düzgün qiymətləndirməsəydik, hər şey çox pis başa çata bilərdi. Çempionatımızda zəif komanda qalmayıb. Sadəcə, səviyyə baxımından bəzi klublara uduzanlar var.
- “Kəpəz” heç də pis oynamadı. Görünürdü ki, Mahmud Qurbanov komandada əla atmosfer yarada bilib. Biz onları düzgün qiymətləndirməsəydik, hər şey çox pis başa çata bilərdi. Çempionatımızda zəif komanda qalmayıb. Sadəcə, səviyyə baxımından bəzi klublara uduzanlar var.
- Flavinyo ilə Bertuççini niyə əvəzlədiniz?
- Matçın sonlarında “Kəpəz”in futbolçuları kobud oynamağa başlamşdılar. Flavinyo ilə Bruno da əvəzlənməsini özü istədi. Onlar zədə almaqdan qorxurdular.
- Siz qış fasiləsindən öncə 4-5 futbolçu almaq istədiyinizi demişdiniz. Amma geri qayıdan Denis Silvadan əlavə cəmi iki oyunçu aldınız...
- “Neftçi”nin öz səviyyəsi var. Biz təklif olunan hər futbolçunu ala bilmərik. Bizə ispaniyalı pleymeyker təqdim etmişdilər. Beş günə dedim ki, o, “Neftçi”yə lazım deyil. Çünki o, özünü göstərə bilmədi. Başa düşdüm ki, o, mənim sxemimə uyğun gəlmir və Kanaleslə oynaması çətin olacaq.
- “Neftçi”nin öz səviyyəsi var. Biz təklif olunan hər futbolçunu ala bilmərik. Bizə ispaniyalı pleymeyker təqdim etmişdilər. Beş günə dedim ki, o, “Neftçi”yə lazım deyil. Çünki o, özünü göstərə bilmədi. Başa düşdüm ki, o, mənim sxemimə uyğun gəlmir və Kanaleslə oynaması çətin olacaq.
- Qarşıda sizi AZAL ilə oyun gözləyir...
- AZAL çox güclü komandadı. Vaqif Sadıqov kimi təcrübəli və yaxşı məşqçiləri var. O, yaxşı, döyüşkən heyət yaradıb. Uğurları da qanunauyğundu. “Neftçi”ni çox çətin matç gözləyir. Amma bizi qələbədən başqa heç bir nəticə qane etmir. Əgər komanda çempion olmaq istəyirsə, hər oyunda qələbə qazanmalıdı. Eyni zamanda mənim üçün layiqli oyun da vacibdi.
- Çempionluq yolunda əsas rəqib kimi hansı komandaların adını çəkə bilərsiz?
- Mən hər bir komandanı rəqibimiz hesab edirəm. Amma lap dəqiqini bilmək istəyirsinizsə, “Qarabağ” və “Qəbələ”dən daha çox çəkinmək lazımdı. Bu komandaların sərgilədikləri futbol çox xoşuma gəlir.
- Mən hər bir komandanı rəqibimiz hesab edirəm. Amma lap dəqiqini bilmək istəyirsinizsə, “Qarabağ” və “Qəbələ”dən daha çox çəkinmək lazımdı. Bu komandaların sərgilədikləri futbol çox xoşuma gəlir.
- Cavid İmamverdiyevin Kiyev “Dinamo”suna keçidi alınmadı. Buna sizin münasibətinizi bilmək maraqlı idi...
- İmamverdiyevə təcrübə toplamaq lazımdı. O, hələ “göydü”. Mən ona demişdim ki, hər şey özümdən asılıdı. Gəlin etiraf edək ki, onun bu komandanın əsas heyətində möhkəmlənmək şansı çox az idi. O, hələ öz üzərində çox çalışmalıdı. Yanvarda onu bir çox komanda öz heyətində görmək istəyirdi. Onların arasında Türkiyə klubları da vardı. Fikrimcə, Cavid Türkiyə klublarından birinə keçsəydi, bu, onun üçün daha faydalı olardı. Amma o, özü Ukraynanı seçdi.
- “Neftçi”nin daha bir Cavidi – Hüseynov Türkiyə klubundan ayrılıb, “Bakı”ya qayıtdı...
- O, yaxşı futbolçudu. Türkiyədə də özünü göstərməyə imkan tapdı. Onun o vaxt “Neftçi”dən getməsi zəif futbolçu olması anlamına gəlmir. Sadəcə, “Neftçi”nin öz səviyyəsi var. O, bizim taktikamıza uyğun gəlmirdi. “Bakı”dakı karyerasında uğurlar arzulayıram.
