12 fevral 2013 00:09
Rəvan hazırlıqları bərpa etdi
Premyer Liqanın bu il keçirilən ilk oyununda "Turan”ı 2:0 hesabı ilə məğlub edən "Rəvan” artıq növbəti matçın hazırlıqlarına başlayıb. Azerisport.az xəbər verir ki, komanda fevralın 16-da üz-üzə gələcəyi "Kəpəz”lə matça ciddi hazırlaşır.
“Bayıl Arena”da baş tutan ilk məşqdə "Turan”la görüşdə start heyətində yer alan futbolçular ayrıca çalışıblar. Baş məşqçi Ramil Əliyev onları elə də çox yükləməməyə üstünlük verib. Qalan komanda üzvləri isə meydanın o biri yarısında əvvəlcə fiziki çalışmalarla məşğul olublar. Sonra isə onlar müxtəlif təmrinlər yerinə yetiriblər. Düşərgədə əla ab-havanın olması da qeyd olunmalıdı. Futbolçuların öz aralarındakı zarafatları da məşqə rəng qatıb.
