13 fevral 2013 18:37
“Bu gün Neftçi qalib gəlmədi, AZAL məğlub oldu”
AZAL-ın baş məşqçisi Vaqif Sadıqov Topaz Premyer Liqasının 4-cü turundan təxirə salınmış “Neftçi” ilə oyunu şərh edib. Azerisport.az xəbər verir ki, “təyyarəçilər”in çalışdırıcısı 1:2 hesabıyla başa çatan görüşdən sonra bunları dilə gətirib:
“Çox vacib oyun idi. Komandam sona kimi mübarizə apardı. Bu gün “Neftçi” qalib gəlmədi, AZAL məğlub oldu. İlk hissədə bir neçə qol imkanından istifadə edə bilmədik. Orxan və Usim zədə səbəindən bu gün komandaya kömək edə bilmədilər. Qarşıda üç oyunumuz var. İlk altılığa düşməyə çalışacağıq. Futbolçular öz adları üçün oynamalıdır. Biz altılıqda oynamağa layiqik. Komandada oyun var, hər oyunda 5-6 qol epizodu yaradırıq, lakin istifadə edə bilmirik”.
