13 fevral 2013 18:40
Böyükağa Hacıyev: Hesabda irəli çıxmağımıza baxmayaraq, açıq futbol oynadıq
“Neftçi”nin baş məşqçisi Böyükağa Hacıyev Topaz Premyer Liqasının 4-cü turundan təxirə salınmış AZAL ilə oyununu şərh edib. Azerisport.az xəbər verir ki, paytaxt təmsilçisinin çalışdırıcısı 2:1 hesabıyla başa çatan görüşdən sonra bunları dilə gətirib:
“Çox maraqlı oyun alındı. Azarkeşlər darıxmadı. “Neftçi” hər oyun daha da yaxşı oynamalıdı. Hesabda irəli çıxmağımıza baxmayaraq, açıq futbol oynadıq. Bizə lazım olan üç xalı aktivimizə yazdıq. “İnter”lə olan xal fərqini öz aramızda keçiriləcək oyunda aradan qaldırmalıyıq. Yeni transferlər komandada rəqabət yaratmalıdı. Zəif oynayan futbolçunun mövqeyinə digərini buraxacağıq. Komandada az da olsa rəqabət yaratdığımıza şadam”.
