15 fevral 2013 18:54
“Komandamızın adına, imicinə görə oynamalıyıq”
"Kəpəz"in qış "transfer pəncərəsi" dövründə heyətinə qatdığı futbolçulardan biri də Mətləb Məmmədov oldu. Azerisport.az xəbər verir ki, ötən tur "Neftçi" ilə oyunda 18-liyə düşən futbolçu doğma şəhərinin komandasında hələ debüt edə bilməsə də, hər zaman oynamağa hazır olduğunu bildirib:
"Məni komandaya baş məşqçi Mahmud Qurbanov dəvət edib. Oyunlara ciddi hazırlaşırıq. Nə qədər ciddi hazırlaşdığımızı isə oyunlar göstərəcək. Komanda demək olar ki, yenidən qurulub. Əlbəttə ki, hər bir futbolçu oyuna hazır olmalıdı. Nə vaxt şans verilsə, onda da oynamağa hazırıq. İlk altılıq şansımız yoxdur. İkinci altılıqda komandamızın adına, imicinə görə oynamalıyıq".
