16 fevral 2013 00:04
Rəvan Kəpəzlə oyuna itkisiz çıxacaq
Bu gün Topaz Premyer Liqasında 20-ci tura start veriləcək. Azerisport.az xəbər verir ki, "Rəvan” saat 15:00-da "Dalğa Arena”da başlayacaq oyunda "Kəpəz”in qonağı olacaq.
Qeyd edək ki, Gəncə şəhər stadionunda yenidənqurma işləri getdiyindən qərb təmsilçisi cari mövsümün sonuna kimi rəqiblərini "Dalğa Arena”da qəbul edəcək. Bu stadionda isə “Rəvan” vaxtilə ev oyunlarını keçirib.
Komanda dünən saat 15:00-da başlayan və 2 saata yaxın davam edən məşqlə oyuna hazırlığını başa vurub. Son məşqdə baş məşqçi Ramil Əliyev futbolçuları elə də yormayaraq sadə tapşırıqlarla kifayətlənib. Ənənəvi isinmə hərəkətlərindən sonra futbolçular qısa ötürmələr üzərində işləyib, meydanın yarı hissəsində "kvadrat” oynayıb, qapıya zərbələr üzərində çalışıblar.
Düşərgədə zədəli futbolçu yoxdu. Baş məşqçi "Turan”la oyunda yalnız cari mövsüm 4-cü sarı vərəqəni alaraq cəzalı duruma düşən Şəhriyar Rəhimovun xidmətindən yararlana bilməyəcək. Bununla belə, futbolçuların qələbə seriyasının əsasını qoymaq istəyi çox böyükdü.
