16 fevral 2013 18:15
Yığmamızın müdafiəçisi rəsmən Rumıniya klubunda (FOTO)
Rumıniyanın “Petrolul” klubu futbol üzrə Azərbaycan millisinin müdafiəçisi Elhad Nəziri ilə bağlı qərar verib. Azerisport.az xəbər verir ki, komandanın baş məşqçi Kosmin Kontra futbolçumuzu bəyənib.
Artıq Elhadla rəsmi müqavilə imzalanıb. Anlaşmanın müddəti 3,5 ildi. Elhad “Petrolul”da baxışda olduğu müddətdə Çernoqoriyanın “Zeta” və Bolqarıstanın “Litex” klublarına qarşı yoxlama oyunlarında iştirak edib. Məhz bu oyunlarda özünü yaxşı tərəfdən göstərməyi bacaran futbolçumuz Rumıniya klubunda qalmağa nail olub.
Qeyd edək ki, ötən ildən “Milsami”də çıxış edən Elhad 6 rəsmi oyunda meydana çıxıb. Onun baxışa yollandığı “Petrolul” klubu isə Rumıniya çempionatının güclülər dəstəsində (Liqa 1) çıxış edir. Komanda hazırda 31 xalla 6-cı pillədədi.
