17 fevral 2013 15:18
“Artıq AÇ-2014-ün seçmə mərhələ oyunlarına hazırıq”
Futzal üzrə Azərbaycan yığmasının üzvü Felipe azerisport.az saytına müsahibəsində Bakıda təşkil olunan beynəlxalq turnirin qalibi olmalarından danışıb, eləcə də digər sualları cavablandırıb.
- Belarusla final matçı haqda nə deyə bilərsiz?
- Həlledici oyun bizim üçün uğurlu alındı. Baxmayaraq ki, görüşün gedişində məğlub durumda idik. İkinci hissədə isə oyunda dönüş yarada və qələbə qazana bildik. Lakin bu qarşılaşma turnirdəki ən çətin oyunumuz oldu.
- Həlledici oyun bizim üçün uğurlu alındı. Baxmayaraq ki, görüşün gedişində məğlub durumda idik. İkinci hissədə isə oyunda dönüş yarada və qələbə qazana bildik. Lakin bu qarşılaşma turnirdəki ən çətin oyunumuz oldu.
- Hesab 1:1 olarkən baş məşqçi qapıçını beşinci meydan oyunçusu ilə əvəzlədi...
- Turnirin meydan sahibi kimi biz riskə getməyə borclu idik. Çünki oyunun taleyini əsas vaxtda həll etmək istəyirdik. Məhz baş məşqçinin bu dəyişikliyi oyunda həlledici an oldu. Risk özünü doğrultdu. Nəticədə də qələbə qolunu vurmağı bacardıq.
- Özü də qolu siz vurdunuz...
- (gülür) Hər şeyi komanda etdi. Mənə sadəcə bu imkanı qaçırmamaq qalırdı.
- Azərbaycan yığması üçün bu uğur sayca beşinci oldu...
- Biz bu mövsüm sözügedən turniri qazanmağı daha çox istəyirdik. Çünki ötən il finalda Ukraynaya uduzmuşduq. Bu dəfə həmin məğlubiyyəti unutdurmaq istəyirdik.
- Bilirsiz ki, gələn mövsüm bu turniri qazanmaq daha da çətin olacaq? Çünki təşkilatçılar İtaliya, Çexiya və sair kimi güclü yığmalara dəvət göndərmək istəyirlər...
- Bu, bizim yalnız xeyrimizə olan amildi. Çünki turnirin iştirakçıları nə qədər güclü olursa, oynamaq da maraqlı olur.
- Yığmamızın təcrübəli üzvlərindən biri kimi komandanın yeni legioneri Eduardo Melo ilə bağlı fikirləriniz də maraqlıdı...
- O, yaxşı oyunçudu. Azərbaycanda artıq bir neçə ildi çıxış edir. O, öz çıxışı ilə yığmaya dəvət almağa layiq idi. Şübhəsiz ki, Edu komandanı gücləndirəcək və Avropa çempionatının seçmə mərhələsində yığmaya fayda verəcək.
- Komanda AÇ-2014-ün seçmə mərhələsinə nə dərəcədə hazırdı?
- Bu turnirdəki qələbədən sonra artıq əminliklə demək olar ki, biz hazırıq. Amma yenə işləmək üçün vaxtımız var. Bundan maksimum yararlanmağa çalışacağıq. Fikrimcə, Slovakiyada bizim üçün yaxşı olacaq və uğurlu oyunlar keçirə biləcəyik.
- Bu turnirdəki qələbədən sonra artıq əminliklə demək olar ki, biz hazırıq. Amma yenə işləmək üçün vaxtımız var. Bundan maksimum yararlanmağa çalışacağıq. Fikrimcə, Slovakiyada bizim üçün yaxşı olacaq və uğurlu oyunlar keçirə biləcəyik.
