18 fevral 2013 16:02
Rəşad Sadiqov: İnter bizə qarşı açıq futbol sərgiləyə bilməz
“Neftçi”nin kapitanı Rəşad Sadiqov azerisport.az saytına müsahibəsində “Simurq”la oyunu şərh edib, eləcə də “İnter”ə qarşı keçirəcəkləri növbəti oyundan danışıb.
- “Simurq”la oyun haqda fikirlərinizi bilmək istərdik...
- Bilirdik ki, çətin oyun olacaq. “Simurq” evdə çox yaxşı oynayır. Oyunun ilk 10-15 dəqiqəsində bərabər mübarizə getdi. Amma getdikcə biz öz oyunumuzu tapmağa, təhlükəli vəziyyətlər yaratmağa başladıq. 2:0 hesabıyla qalib gəlsək də, daha çox qol vura bilərdik.
- “Neftçi” “Simurq”a demək olar ki, oynamaq imkanı vermədi...
- “Simurq”u yaxşı öyrənmişdik. Həm də “Neftçi” turdan-tura daha da artırır.
- Bu oyundakı qollardan birini də siz vurdunuz...
- Gələcəkdə də belə qollar vurmağa çalışacağam.
- Qarşıdakı turda sizi lider “İnter”lə duel gözləyir...
- Onlarla oyunda da bizi ancaq qələbə qane edir. Bilirik ki, liderə qarşı oynayacağıq. Əgər məğlub olsaq, xal fərqi arta bilər. Buna imkan vermək olmaz. “Neftçi” altılıq oyunlarına lider kimi başlamaq istəyir. Birinci yer üçün çox darıxmışıq.
- Amma məhz “İnter”lə oyunlarınız alınmır...
- Mən belə şeylərə inanmıram. Hər bir komanda qələbə də qazana bilər, uduza da. “Neftçi” hazırda yüksəlişdədi. “İnter” də layiqli rəqibdi. İki nəhəng klubun mübarizəsi baş tutacaq. Bizim geriyə yolumuz yoxdu.
- “İnter”in son oyunlarına baxmısız?
- Bəli. Onlar sabit oyun sərgiləyirlər. Zəif yerləri demək olar ki, yoxdu. Güclü baş məşqçiləri var. Komandanın uğurlarında onun xidməti böyükdü.
- Bəli. Onlar sabit oyun sərgiləyirlər. Zəif yerləri demək olar ki, yoxdu. Güclü baş məşqçiləri var. Komandanın uğurlarında onun xidməti böyükdü.
- Heç-heçəyə razılaşacaqsız?
- Heç-heçə heç kimə lazım deyil. Qol vurmaq, qələbə qazanmaq lazımdı. “İnter”ə qol vurmaq çətin olacaq. Çünki onlar müdafiədən oynayırlar. Amma bu, bizim problemdi. Fikrimcə, onların qapısına yol tapmağı bacaracağıq.
- Heç-heçə heç kimə lazım deyil. Qol vurmaq, qələbə qazanmaq lazımdı. “İnter”ə qol vurmaq çətin olacaq. Çünki onlar müdafiədən oynayırlar. Amma bu, bizim problemdi. Fikrimcə, onların qapısına yol tapmağı bacaracağıq.
- Mahir Şükürov deyib ki, “Neftçi” açıq futbol oynayan istənilən komandanı məğlub edə bilər.
- O, düz deyib. Hazırda bizə qarşı belə oynamaq çox risklidi. Hətta “Qarabağ” kimi komanda da bizə qarşı bir qədər müdafiəyə meylli futbol oynamağa üstünlük verir. Əgər məşqçi olsaydım, mən də “Neftçi”yə qarşı açıq futbol oynatmazdım. Əminəm ki, “İnter” də belə riskə getməyəcək.
