19 fevral 2013 18:36
“Futbolçular özləri də bu sistemin tətbiqini böyük maraq və razılıqla qarşıladılar”
“Neftçi” PFK-nın vitse-prezidenti Tahir Süleymanov klubun rəsmi saytına açıqlama verib. Azerisport.az sizi həmin açıqlama ilə tanış edir:
“Xarici şirkətlərlə anlaşmamıza əsasən “Neftçi”nin ev oyunlarında futbolçuların fərdi göstəriciləri hesablanaraq klubumuza təqdim ediləcək. İlk olaraq bizim sifarişimizə əsasən AZAL - “Neftçi” matçında AZAL rəhbərliyinin icazəsi ilə stadionda müvafiq kameralar quraşdırılaraq futbolçuların fiziki aktivliyi müəyyənləşdirildi. Bu məlumatların əldə olunması həm klub rəhbərliyi, həm məşqçilər heyəti, həm də futbolçuların özləri üçün çox önəmlidir. Futbolçuların fərdi hazırlıq səviyyəsini göstərən bu üsul Avropada geniş şəkildə tətbiq olunur. Əgər biz bu gün avrokuboklardakı uğurumuzun davamını gətirmək və futbolçularımızın legioner həyatı yaşamasını istəyiriksə belə məsələlərə həssas yanaşmalıyıq. Qeyd edim ki, futbolçular özləri də bu sistemin tətbiqini böyük maraq və razılıqla qarşıladılar”.
