19 fevral 2013 14:37
Azərbaycan futbolunda daha bir lipa və Turana texniki məğlubiyyət
Bu gün keçirilən AFFA İntizam Komitəsinin iclasında aşağı yaş qrupları arasında keçirilən çempionatlarla da bağlı müəyyən qərarlar çıxarılıb. Azerisport.az sizi həmin qərarlarla tanış edir.
11 fevral 2013-cü ildə U-17 Liqanın “İnter” – “Gənclik” matçının 59-cu dəqiqəsində “İnter”in futbolçusu Bilal Qəmbərov rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb.
11 fevral 2013-cü ildə U-17 Liqanın “Turan” – “Simurq” matçının 31-ci dəqiqəsində “Turan”ın futbolçusu Ömər İsgəndərov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb. Oyunun 36-cı dəqiqəsində “Simurq”un futbolçusu Xəlil Xəlilli idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb. Oyunun 78-ci dəqiqəsində “Simurq”un futbolçusu Ruslan Muradov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb.
15 fevral 2013-cü ildə U-17 Liqanın ROİL – “Turan” matçında qonaq komanda iştirak etmədiyi üçün Tovuz klubuna 0:3 hesablı texniki məğlubiyyət verilib.
16 fevral 2013-cü ildə U-15 Liqanın AZAL – “Qarabağ” matçının 50-ci dəqiqəsində “Qarabağ”ın futbolçusu Camal Camalov aqressiv hərəkətə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb. Oyunun 50-ci dəqiqəsində “Qarabağ”ın məşqçisi Asif Əlizadə hakimi təhqir etdiyinə görə texniki zonadan kənarlaşdırıldığı üçün 4 oyunluq cəzalanıb. Oyunun 70+1-ci dəqiqəsində AZAL-ın baş məşqçisi Mehman Babayev hakimi təhqir etdiyinə görə texniki zonadan kənarlaşdırıldığı üçün 4 oyunluq cəzalanıb.
U-11 liqasında çıxış edən “Xəzər-92” klubunun futbolçusu Samir Allahverdiyevin saxta lisenziya ilə iştirak etdiyi aşkar edilib. Futbolçunun iştirak etdiyi bütün oyunlarda kluba 0:3 hesablı texniki məğlubiyyət verilib.
