21 fevral 2013 11:16
“Simurq avrokuboklara düşsə, klubun büdcəsi də artacaq”
“Simurq”un qapıçısı Dmitri Kramarenko azerisport.az saytına müsahibəsində komandasının çıxışından danışıb, eləcə də digər sualları cavablandırıb.
- Bu il “Simurq”un işləri elə də yaxşı getmir. Buna səbəb nədi?
- Mən hər şeyin o qədər də pis getdiyini düşünmürəm. Qış fasiləsindən sonrakı ilk turda səfərdə AZAL ilə sülh bağladıq. Daha sonra isə öz meydanımızda “Neftçi”yə uduzduq. Bu, komandanın cari mövsümdəki ilk ev məğlubiyyətidi. Həmişə udmaq olmaz ki. Amma biz “Neftçi”ni də məğlub etmək istəyirdik. Sadəcə, buraxdığımız səhvlər məğlubiyyətlə nəticələndi ki, bu səhvlərdən də heç kim sığortalanmayıb.
- Mən hər şeyin o qədər də pis getdiyini düşünmürəm. Qış fasiləsindən sonrakı ilk turda səfərdə AZAL ilə sülh bağladıq. Daha sonra isə öz meydanımızda “Neftçi”yə uduzduq. Bu, komandanın cari mövsümdəki ilk ev məğlubiyyətidi. Həmişə udmaq olmaz ki. Amma biz “Neftçi”ni də məğlub etmək istəyirdik. Sadəcə, buraxdığımız səhvlər məğlubiyyətlə nəticələndi ki, bu səhvlərdən də heç kim sığortalanmayıb.
- Bəlkə “Simurq”un indiki heyəti “Neftçi”ni yenəcək gücdə deyil?
- Əksinə, bunun üçün yetərincə gücümüz var. Bu mövsüm biz bu komanda ilə daha dörd oyun keçirəcəyik. İkisi altılıq çərçivəsində, qalan ikisi də Azərbaycan Kubokunda. Hələ qələbə qazanmaq üçün imkanımız olacaq. Üstəlik, bizim üçün əlavə motivasiya da yaranacaq. Kubokda “Neftçi”ni mütləq keçməliyik.
- Əksinə, bunun üçün yetərincə gücümüz var. Bu mövsüm biz bu komanda ilə daha dörd oyun keçirəcəyik. İkisi altılıq çərçivəsində, qalan ikisi də Azərbaycan Kubokunda. Hələ qələbə qazanmaq üçün imkanımız olacaq. Üstəlik, bizim üçün əlavə motivasiya da yaranacaq. Kubokda “Neftçi”ni mütləq keçməliyik.
- Amma çempionatda bu komanda artıq sizi ikinci pillədən sıxışdırıb çıxardı...
- Ümid edirəm ki, bu, müvəqqətidi. Qarşıda “Bakı” və “Kəpəz”lə oyunlarımız var. Bu görüşlərdən maksimum xalla ayrılmaq istəyirik.
- “Bakı” üçün “Simurq”la oyun ölüm-qalım mübarizəsi olacaq. Axı bu komanda ilk altılığa vəsiqə qazanmaq istəyir...
- Bizdə də motivasiya az olmayacaq. Çünki ardıcıl ikinci ev oyununda uduzmaq olmaz. Biz artıq qarşımıza qoyduğumuz ilk hədəfimizə çatmışıq. İndi də avrokuboklara vəsiqə qazanmaq istəyirik.
- Əgər “Simurq” tutaq ki, Avropa Liqasına düşsə, nəyə nail ola bilər?
- Müəyyən hədəfə çatmaq üçün komanda güman ki, gücləndiriləcək. Əminəm ki, avrokuboklara düşsək, klubun büdcəsi də artar. “Simurq” 2-3 mərhələ keçməyi bacarsa, bu, uğur sayıla bilər.
- Müəyyən hədəfə çatmaq üçün komanda güman ki, gücləndiriləcək. Əminəm ki, avrokuboklara düşsək, klubun büdcəsi də artar. “Simurq” 2-3 mərhələ keçməyi bacarsa, bu, uğur sayıla bilər.
- Artıq 39 yaşınız var. Sizin üçün çətin deyil ki?
- Hələlik özümü yaxşı hiss edirəm. Fikrimcə, daha iki il oynaya bilərəm. 41 yaş karyeranı tamamlamaq üçün yaxşı rəqəmdi. Çox meydana çıxmamağıma görə də incimirəm. Çünki yaş istənilən halda öz sözünü deyir. Amma mən hər zaman komandama kömək etməyə hazıram.
- Hələlik özümü yaxşı hiss edirəm. Fikrimcə, daha iki il oynaya bilərəm. 41 yaş karyeranı tamamlamaq üçün yaxşı rəqəmdi. Çox meydana çıxmamağıma görə də incimirəm. Çünki yaş istənilən halda öz sözünü deyir. Amma mən hər zaman komandama kömək etməyə hazıram.
- David Petrkeviçin tez-tez öz ölkəsinin mətbuatına Berti Foqtsun onu Azərbaycan yığmasına görmək istəməsi haqda açıqlamalarına münasibətiniz necədi?
- Bunun nə qədər düz olduğunu, Petrkeviçin Azərbaycana qarşı hansı münasibəti bəslədiyini bilmirəm. Popoviçin özü ilə də danışmışam. Milliləşdirilmək nəyə lazımdı? Qoy 10 il oynasın burda, ondan sonrasına baxarıq (gülür). Bizim özümüzün də perspektivli qapıçılarımız var.
- Bunun nə qədər düz olduğunu, Petrkeviçin Azərbaycana qarşı hansı münasibəti bəslədiyini bilmirəm. Popoviçin özü ilə də danışmışam. Milliləşdirilmək nəyə lazımdı? Qoy 10 il oynasın burda, ondan sonrasına baxarıq (gülür). Bizim özümüzün də perspektivli qapıçılarımız var.
