22 fevral 2013 11:35
Topaz Premyer Liqası, 21-ci tur: Mirbağır İsayevin proqnozu
“Kəpəz”in sabiq baş məşqçisi Mirbağır İsayev azerisport.az saytına müsahibəsində Topaz Premyer Liqasının 21-ci turunun oyunları ilə bağlı proqnozlarını dilə gətirib.
Rəvan – Qarabağ
Hazırda üç komanda var ki, öz oyun manerasına görə çempionluğa ən real namizəd sayıla bilər. Bunlar “Neftçi”, “İnter” və “Qarabağ”dı. Nəzərə alsaq ki, ağdamlılarda motivasiya daha yüksəkdi, “Qarabağ”ın qələbə qazanacağını demək olar. Çünki çempionluq yolunda xal və ya xallar qazanmaq lazımdı.
Simurq – Bakı
“Simurq” artıq ilk altılıqdakı yerini təmin edib. “Bakı” isə hələ buna çalışır. Oyun Zaqatalada keçirilsə də, fikrimcə, 3 xalı məhz “Bakı” qazanacaq. Çünki bu, onlara çox lazımdı.
“Simurq” artıq ilk altılıqdakı yerini təmin edib. “Bakı” isə hələ buna çalışır. Oyun Zaqatalada keçirilsə də, fikrimcə, 3 xalı məhz “Bakı” qazanacaq. Çünki bu, onlara çox lazımdı.
Qəbələ - Xəzər Lənkəran
Hər iki komandaya ilk altılığa düşmək lazımdı. Faizlə götürsək, şansların 60-ın 40-a “Qəbələ”nin xeyrinə olduğunu düşünürəm. Şübhəsiz ki, maraqlı və gərgin oyun olacaq. Fikrimcə, “Qəbələ” “Xəzər Lənkəran”a xal verməz.
Neftçi – İnter
Bu oyunda çempionatın liderliyi uğrunda mübarizə gedəcək. Çempionluğa üç əsas iddialıdan ikisi bir-biri ilə üz-üzə gələcək. Hər bir komandanın öz oyun üslubu, taktikası var. Son dövrlər “Neftçi” əla oyunla müsbət nəticələr qazanır. “İnter”də isə bir qədər fərqli vəziyyətdi. Buna baxmayaraq, yenə də dəqiq proqnoz vermək olmur. Hər şey ola bilər. Şansların bərabər olduğunu düşünürəm.
AZAL – Kəpəz
Burda üstünlük AZAL-dadı. “Kəpəz” hazırda elə vəziyyətdədi ki, bu rəqibinə müqavimət göstərməsi inandırıcı deyil. Qələbə AZAL-ın olacaq.
Sumqayıt – Turan
Fikrimcə, yaxşı oyun alınacaq. Bu komandaların son oyunlarını nəzərə alsaq, bu dəfə də maraqlı görüş izləyəcəyimizi demək olar. Məsələn, “Turan” “Xəzər Lənkəran”la səfər oyununda pis təsir bağışlamadı, “Sumqayıt” “Bakı” ilə heç-heçə etdi. Bu oyunda isə “Sumqayıt”ın üç xala sevinəcəyi qənaətindəyəm.
Fikrimcə, yaxşı oyun alınacaq. Bu komandaların son oyunlarını nəzərə alsaq, bu dəfə də maraqlı görüş izləyəcəyimizi demək olar. Məsələn, “Turan” “Xəzər Lənkəran”la səfər oyununda pis təsir bağışlamadı, “Sumqayıt” “Bakı” ilə heç-heçə etdi. Bu oyunda isə “Sumqayıt”ın üç xala sevinəcəyi qənaətindəyəm.
